تھائی لینڈ کے وزیر خارجہ Sihasak Phuangketkeow بھارت کے 4 روزہ دورے پر نئی دلّی پہنچ گئے ہیں۔ وزارت خارجہ کے ترجمان رندھیر جیسوال نے کل رات نئی دلّی پہنچنے پر اُن کا  خیر مقدم کیا اور کہا کہ اُن کا یہ دورہ دونوں ملکوں کے درمیان اسٹریٹیجک شراکت داری اور قدیم تہذیبی روابط کو مضبوط کرنے کا ایک موقع ہے۔ وزارتِ خارجہ کے مطابق جناب Phuangketkeow آج قومی راجدھانی میں باضابطہ طور پر ملاقاتیں کریں گے۔ وہ کل حیدرآباد ہاؤس میں وزیر خارجہ ایس جے شنکر کے ساتھ دوطرفہ مذاکرات کریں گے۔ بھارت اور تھائی لینڈ کے درمیان تاریخی طور پر پُر جوش اور خوشگوار تعلقات ہیں۔ دونوں ممالک کے درمیان 1947 میں سفارتی تعلقات قائم ہوئے تھے اور دونوں ملکوں نے 2022 میں سفارتی تعلقات کے قیام کی 75 ویں سالگرہ منائی تھی۔ ×