وزارت دفاع نے کہا ہے کہ اِس سال نئی دلّی کے کرتویہ پتھ پر ہونے والی 77 ویں یوم جمہوریہ پریڈ کو دیکھنے کیلئے تقریباً 10 ہزار خصوصی مہمانوں کو مدعو کیا گیا ہے۔
نئی دلّی کے کرتویہ پتھ پر ہونے والی یوم جمہوریہ پریڈ ملک کی ثقافتی گوناگونیت اور فوجی صلاحیت کا ایک منفرد امتزاج ہے۔
اِن مہمانوں میں بہترین اختراع کار، اسٹارٹ اَپس، اپنی مدد آپ گروپوں اور مختلف سرکاری اقدامات کے تحت بہترین کارکردگی کا مظاہرہ کرنے والے افراد شامل ہیں۔ اس کے علاوہ آمدنی اور روزگار کے مواقع پیدا کرنے میں غیر معمولی کام کرنے والے افراد کو بھی مدعو کیا گیا ہے۔
وزارت نے کہا کہ اِن مہمانوں کو مدعو کرنے کا مقصد ملک کی تعمیر میں اُن کی خدمات کو خراج تحسین پیش کرنا اور قومی اہمیت کے حامل پروگراموں میں جَن بھاگیداری کو فروغ دینا ہے۔
خصوصی مہمانوں میں عالمی پیرا ایتھلیٹکس چمپئن شپ کے فاتحین، پی ایم اسمائل اسکیم کے تحت بازیاب کئے گئے مخنث افراد اور بھکاری اور قدرتی کاشتکاری کرنے والے کسان بھی شامل ہیں۔
