تجارت اور صنعت کے مرکزی وزیر پیوش گوئل نے کہا ہے کہ حکومت امریکہ کے ساتھ سرگرم طریقے سے رابطے میں ہے تاکہ دو طرفہ تجارتی معاہدے کو حتمی شکل دی جاسکے۔ اُن کا یہ تبصرہ ایسے وقت سامنے آیا ہے، جب امریکی صدر ڈونلڈ ٹرمپ اور وزیر اعظم نریدنر مودی نے تجارت سے متعلق بات چیت اور دو طرفہ تعلقات میں بڑھتی ہوئی سہولت پر مثبت عندیہ دیا ہے۔ کَل نئی دلّی میں منعقد فکی LEADS سمٹ سے خطاب کرتے ہوئے جناب گوئل نے کہا کہ یوروپی یونین اور نیوزی لینڈ کے ساتھ تجارتی بات چیت جاری ہے۔ انہوں نے مزید کہا کہ عمان کے ساتھ بھی تجارتی معاہدہ جلد ہونے کا امکان ہے۔×