BCCI کے صدر Mithun Manhas نے جموں وکشمیر حکومت کو اِس بات کا پورا یقین دلایا ہے کہ مرکز کے انتظام علاقے میں سبھی سطحوں پر کرکٹ کو فروغ دیاجائے گا۔ انہوں نے یہ یقین دہانی جموں وکشمیر کے نوجوانوں کے امور اور کھیلوں کے وزیر ستیش شرما کے ساتھ کَل سرینگر میں ایک میٹنگ کے دوران کرائی۔ ایک سرکاری ترجمان نے کہا کہ جناب شرما اور Manhas نے جموں وکشمیر میں کرکٹ کے بنیادی ڈھانچے اور اُس سے متعلق سرگرمیوں کو فروغ اور ترقی دینے پر وسیع تر تبادلہ خیال کیا ہے۔ میٹنگ کے دوران وزیر موصوف نے مرکز کے زیر انتظام علاقے میں کھیلوں سے متعلق ہنر کو فروغ دینے اور بنیادی سطح پر کرکٹ کو مضبوط کرنے کے حکومت کے عزم کو اُجاگر کیا۔