بہار کے NDA رہنماؤں نے کل نئی دلّی میں BJP کے رکن پارلیمنٹ سنجے جیسوال کی رہائش گاہ پر ملاقات کی۔ اس میٹنگ میں بہار بی جے پی کے ممبرانِ پارلیمنٹ کے ساتھ ساتھ BJP کے صدر جے پی نڈا، JDU، LJP (رام وِلاس)، ہندوستان عوام مورچہ (سیکولر) اور راشٹریہ لوک مورچہ کے سینئر رہنماؤں نے شرکت کی۔ یہ میٹنگ، اس سال کے آخر میں ہونے والے بہار اسمبلی انتخابات سے قبل منعقد ہوئی ہے اور اس میٹنگ کا مقصد ریاست میں اتحادی شرکاء کے ساتھ تال میل کو بہتر بنانا ہے۔

بعد میں ایک سوشل میڈیا پوسٹ میں مرکزی وزیر LJP(R) چیف چراغ پاسوان نے کہا کہ مذکورہ میٹنگ میں آئندہ بہار اسمبلی انتخابات کے لیے حکمتِ عملی پر تبادلہئ خیال  کیا گیا۔

بی جے پی کے مرکزی وزیر گری راج سنگھ، JDU کے مرکزی وزیر راجیو رنجن سنگھ، HAM کے مرکزی وزیر جیتن رام مانجھی اور RLM کے چیف اوپیندر کُشواہا نے بھی میٹنگ میں شرکت کی۔×