بہار میں گذشتہ 24 گھنٹے کے دوران موسلادھار بارش ہونے سے روز مرہ کی زندگی شدید طور پر متاثر ہوئی ہے۔ بجلی گرنے اور بارش سے وابستہ واقعات میں کم از کم 16 افراد کی موت ہوئی ہے۔ مظفر پور ضلعے میں سب سے زیادہ چار اموات ہونے کی اطلاع ملی ہے، جبکہ جہان آباد میں تین افراد کی جان گئی ہے۔
ریاست کے وزیرِ اعلیٰ نتیش کمار نے لوگوں کی موت ہونے پر رنج و غم کا اظہار کیا ہے۔ اِدھر موسمیات محکمے نے بہار کے کئی حصوں میں آج بھی تیز بارش کے امکان کے مدنظر الرٹ جاری کیا ہے۔