بہار میں جاری خصوصی جامع نظرثانی مہم کے دوران 6 کروڑ 60 لاکھ سے زیادہ ووٹروں نے ذاتی معلومات سے متعلق فارم جمع کرادیئے ہیں۔ بھارت کے انتخابی کمیشن نے کہا ہے کہ فارم جمع کرنے کی مہم تیزی سے جاری ہے، جس کے تحت سات کروڑ 80 لاکھ ووٹروں میں سے 83 اعشاریہ چھ چھ فیصد ووٹروں نے فارم جمع کئے ہیں۔

تفصیل ہمارے نامہ نگار سے۔                    V-C Dharmendra Kumar

بہار میں، ووٹر فہرست کی خصوصی نظرِ ثانی مہم کے تحت 88 فیصد سے زیادہ رائے دہندگان کی تصدیق کے مکمل ہونے کے بعد یہ پایا گیا ہے کہ تقریباً سات کروڑ 90 لاکھ رائے دہندگان میں سے 12 لاکھ ووٹرس کم ہوگئے ہیں۔ اِس کے علاوہ 17 لاکھ سے زیادہ ووٹرس بہار سے باہر مستقل طور پر رہائش پذیر ہیں۔ چناؤ کمیشن نے کہا ہے کہ کُل رائے دہندگان کا تقریباً صفر اعشاریہ سات تین فیصد تقریباً ساڑھے پانچ لاکھ ووٹروں کے نام بطور ووٹر دو جگہوں پر رجسٹرڈ ہیں۔ تصدیق کے عمل کے مکمل ہوجانے کے بعد اندازہ ہے کہ 35 لاکھ سے زیادہ ووٹروں کے ناموں کو موجودہ ووٹر فہرست سے خارج کر دیا جائے گا۔ چناؤ کمیشن نے وضاحت کی ہے کہ ووٹر فہرست کے مسودے کی اشاعت کے بعد رائے دہندگان کو اپنا دعوی اور اعتراض جتانے کا پورا حق حاصل ہوگا، جس کی تحقیقات کی جائے گی۔