بہار اسمبلی کے انتخابات میں کاغذاتِ نامزدگی داخل کرنے کے عمل اور انتخابی مہم میں تیزی آگئی ہے کیونکہ پہلے مرحلے کی پولنگ کیلئے کاغذاتِ نامزدگی داخل کرنے کا کَل آخری دن ہے۔ NDA اور گرانڈ الائنس پارٹیوں، دونوں کے بڑی تعداد میں امیدواروں نے آج اپنے کاغذاتِ نامزدگی داخل کئے۔ BJP امیدواروں کی حمایت میں اترپردیش کے وزیر اعلیٰ یوگی آدتیہ ناتھ کے ساتھ ساتھ چھتیس گڑھ اور مدھیہ پردیش کے وزرائے اعلیٰ نے مختلف مقامات پر کاغذاتِ نامزدگی داخل کرنے کے عمل میں شرکت کی۔
اسی دوران لوک جن شکتی پارٹی (رام ولاس) نے امیدواروں کی اپنی دوسری لسٹ جاری کی ہے جس میں مجموعی طور پر 29 ناموں کا اعلان کیا گیا ہے۔ اس کے ساتھ ہی NDA کے پانچ شراکت داروں BJP، JDU، ہندوستانی عوام مورچہ، راشٹریہ لوک مورچہ اور LJP(R) نے تمام 243 اسمبلی سیٹوں کیلئے امیدواروں کا اعلان کردیا ہے۔
دوسری جانب کانگریس اور RJD کی قیادت والے گرانڈ الائنس نے ابھی تک امیدواروں کی اپنی مکمل لسٹ کا اعلان نہیں کیا ہے۔
لوک جن شکتی پارٹی نے 15 امیدواروں پر مشتمل اپنی دوسری فہرست میں 6 خواتین کو موقع دیا ہے۔ چراغ پاسوان کی پارٹی نے اپنے کوٹے سے ایک سیٹ، BJP کے نامزد امیدوار کو بھی دی ہے۔
کانگریس چھوڑ کر BJP میں شامل ہونے والے مراری پرساد گوتم کو چِناری اسمبلی حلقے سے اِس مرتبہ بھی میدان میں اتارا گیا ہے۔ لوک جن شکتی پارٹی رام ولاس نےBJP کی سابق MLA، Babyکماری کو مظفر پور کے بوچاہن سیٹ سے ٹکٹ دیا ہے۔ 
اسی دوران ریاست میں انتخابی مہم میں تیزی آگئی ہے۔ BJP کے سینئر رہنما اور UP کے وزیر اعلیٰ یوگی آدتیہ ناتھ نے دانا پور میں چناؤ ریلیوں سے خطاب کیا۔ جنتا دل یونائیٹیڈ کے قومی صدر اور وزیر اعلیٰ نتیش کمار نے دربھنگہ اور سمتی پور میں اپنی پارٹی کے امیدواروں کے کاغذاتِ نامزدگی داخل کرنے کے پروگراموں میں شرکت کی اور اُن کی حمایت کیلئے انتخابی ریلیوں سے خطاب کیا۔ BJP نے چناؤ مہم کیلئے 40 سرکردہ شخصیات کی فہرست جاری کی ہے، جس میں وزیر اعظم نریندر مودی اور BJP کے صدر جے پی نڈا بھی شامل ہیں۔ BJP کے سینئر رہنما امت شاہ کا کل، سارَن ضلعے کے Taraiyya اور Amanour میں چناؤ ریلیوں سے خطاب کرنے کا پروگرام ہے۔ وہ پٹنہ میں ایک پروگرام میں بھی شرکت کریں گے۔
انتخابی کمیشن نے کہا ہے کہ آٹھ اسمبلی حلقوں میں ہونے والے ضمنی انتخابات کیلئے الیکٹرانک ووٹنگ مشینوں اور صحیح ووٹ پڑنے کی تصدیق سے متعلق VVPAT نظام کی جانچ کا پہلا عمل مکمل کرلیا گیا ہے۔ ان اسمبلی حلقوں میں شامل ہیں، جموں وکشمیر میں بڈگام اور Nagrota، پنجاب میں ترن تارن، میزورم میں Dampa اور اڈیشہ میں Nuapada۔ ضمنی انتخابات اگلے مہینے کی 11 تاریخ کو ہوں گے اور ووٹوں کی گنتی، بہار اسمبلی انتخابات کے ساتھ 14 نومبر کو کی جائے گی۔