بہار میں ریاستی سرکار نے خواتین کیلئے مخصوص سرکاری ملازمتوں میں سکونت سے متعلق پالیسی پر عمل کرنے کا فیصلہ کیا ہے۔ فی الحال سرکاری ملازمتوں میں خاتون امیدواروں کیلئے 35 فیصد ریزرویشن ہے۔ وزیرِ اعلیٰ نتیش کمار کی زیرِ صدارت کابینہ میٹنگ میں خواتین کیلئے سکونت سے متعلق اِس پالیسی کو عملی جامہ پہنانے کا فیصلہ کیا گیا۔ اِس طرح اُن خاتون امیدواروں کو ہی 35 فیصد ریزرویشن کا فائدہ مل سکے گا، جو بہار کی باشندہ ہوں گی۔ بہار سے باہر کی خواتین کو عام امیدوار سمجھا جائے گا۔بہار میں کئی تنظیمیں آسامیوں اور سرکاری ملازمتوں کیلئے سکونت سے متعلق پالیسی کی عمل آوری کی مانگ کرتی رہی ہیں تاکہ مقامی باشندوں کو موقع اور ترجیح دی جاسکے۔