بہار اسمبلی انتخابات کے دوسرے اور آخری مرحلے کے لیے انتخابی مہم آج شام ختم ہو جائے گی۔ اس مرحلے میں 20 ضلعوں پر محیط 122 اسمبلی حلقوں میں 11 نومبر کو ووٹ ڈالے جائیں گے۔ آخری مرحلے میں 3 کروڑ 70 لاکھ سے زیادہ رائے دہندگان 136 خواتین سمیت ایک ہزار 302 امیدواروں کی سیاسی قسمت کا فیصلہ کریں گے۔ آج انتخابی مہم کے آخری دن، اہم سینئر سیاسی شخصیات اور NDA، مہا گٹھ بندھن اور دیگر پارٹیوں کے اہم سیاسی اور چوٹی کے لیڈر عوامی جلسوں اور انتخابی ریلیوں سے خطاب کریں گی۔
BJP کے سینئر لیڈر اور مرکزی وزیر داخلہ امت شاہ، Sasaram اور Arwal میں کئی عوامی جلسوں سے خطاب کریں گے۔ BJP کے سینئر اور وزیر دفاع راجناتھ سنگھ اورنگ آباد اور Kaimur میں دو ریلیوں سے خطاب کریں گے۔ JDU کے صدر اور وزیر اعلیٰ نتیش کمار اورنگ آباد، گیا اور Kaimur میں کئی انتخابی ریلیاں کریں گے۔
اس دوران اترپردیش کے وزیر اعلیٰ اور BJP کے سینئر لیڈر یوگی آدتیہ ناتھ ارریہ، Supaul اور مدھوبنی ضلعوں میں کئی عوامی جلسوں میں شرکت کریں گے۔
مہا گٹھ بندھن سے کانگریس کے سینئر لیڈر راہل گاندھی پورنیہ اور کشن گنج میں عوامی جلسوں سے خطاب کریں گے۔ RJD لیڈر تیجسوی پرساد یادو Bhabhua، روہتاس اور اورنگ آباد میں 11 جلسے کریں گے۔
انتخابی مہم کے آخری دن جَن سُراج پارٹی کے بانی پرشانت کشور، BSP کی اہم سیاسی شخصیتیں AIMIM اور دیگر پارٹیاں بھی سرگرم انتخابی ریلیوں، عوامی جلسوں اور روڈ شو میں حصہ لیں گی۔