بہار اسمبلی انتخابات کے پہلے مرحلے کیلئے الیکٹرانک ووٹنگ مشینوں اور صحیح ووٹ پڑنے کی تصدیق سے متعلق VVPAT نظام کی جانچ کا پہلا عمل مکمل ہوگیا ہے۔ ایک بیان میں انتخابی کمیشن نے کہا ہے کہ تسلیم شدہ قومی اور ریاستی سیاسی پارٹیوں کے نمائندوں کی موجودگی میں ضلع چناؤ افسروں نے الیکٹرانک ووٹنگ مشینوں کے مینجمنٹ نظام کے ذریعے یہ عمل انجام دیا۔ انتخابی کمیشن نے یہ بھی کہا ہے کہ جن الیکٹرانک ووٹنگ مشینوں اور صحیح ووٹ پڑنے کی تصدیق سے متعلق پرچی VVPAT کی جانچ کی گئی ہے، اُن کی حلقے وار فہرستیں سبھی تسلیم شدہ قومی اور ریاستی سیاسی پارٹیوں کے نمائندوں کو دستیاب کرائی گئی ہیں۔

کمیشن نے کہا ہے کہ اِن EVMs اور VVPATs کو تسلیم شدہ قومی اور ریاستی سیاسی پارٹیوں کے نمائندوں کی موجودگی میں متعلقہ اسمبلی Strong Room میں رکھا جائے گا۔ یہ فہرست چناؤ لڑنے والے سبھی امیدواروں کو بھی دستیاب کرائے جائے گی۔x