بہار اسمبلی انتخابات کے ووٹوں کی گنتی کَل ہوگی، جو 38 ضلعوں میں 46 مراکز پر کرائی جائے گی۔ ووٹوں کی گنتی کا عمل صبح 8 بجے شروع ہوگا۔ الیکٹرانک ووٹنگ مشینوں کو تین سطحی حفاظتی نظام کے تحت Strong Rooms میں رکھا گیا ہے۔ احاطے کی داخلی سلامتی کیلئے مرکزی مسلح پولیس فورس کو تعینات کیا گیا ہے، جبکہ احاطے کے باہر کی سلامتی کی ذمہ داری ریاستی پولیس کو سونپی گئی ہے۔ اِس کے علاوہ، CCTV کیمرے اور سلامتی کے دیگر انتظامات بھی کئے گئے ہیں۔