لوک سبھا کے اسپیکر اوم برلا نے آج اس بات پر زور دیا ہے کہ بھارت ہمیشہ سے خصوصی طور پر قدرتی آفات کے دوران اپنے دوست ممالک کی مدد کرنے کیلئے پیش پیش رہا ہے۔ جناب برلا نے یہ بات مڈغاسکر سے آئے ایک پارلیمانی وفد کے ساتھ نئی دلی میں دوطرفہ میٹنگ کے دوران کہی جس کی قیادت مڈغاسکر کی قومی اسمبلی کے صدر جسٹن ٹوکلے کررہے تھے۔ میٹنگ کے دوران جناب برلا نے اس بات کو اجاگر کیا کہ بھارت مڈغاسکر کو ایک قابل اعتماد دوست تصور کرتا ہے اور ساتھ ہی اس کی تیز رفتار ترقی کے خواہاں ہیں۔ انہوں نے کہا کہ بھارت اور مڈغاسکر کے درمیان تجارت، ثقافت اور عوام سے عوام کے درمیان مضبوط رشتے ہیں۔