بھارت کے محکمہئ موسمیات نے ملک کے مغربی ساحل پر شدید سے بہت شدید بارش کے لیے ریڈ وارننگ جاری کی ہے۔ آکاشوانی نیوز سے بات کرتے ہوئے محکمہئ موسمیات کے سینئر سائنسداں آر کے جینامنی نے کہا ہے کہ دلّی، ہریانہ، پنجاب اور گجرات میں اگلے دو دن کے دوران تیز ہواؤں، طوفان اور بجلی گرنے کے ساتھ گرج چمک کے ساتھ چھینٹے پڑنے کا امکان ہے۔ انہوں نے مزید کہا کہ دلّی سمیت شمال مغربی بھارت میں کل زیادہ سے زیادہ درجہئ حرارت میں بہت زیادہ کمی دیکھی گئی۔ ڈاکٹر جینامنی نے مزید کہا کہ بھارت کے کسی بھی حصے میں، مانسون میں کوئی پیشرفت نہیں ہوئی ہے، لیکن کونکن، گوا اور ساحلی کرناٹک میں شدید سے بہت شدید بارش جاری ہے۔

انہوں نے کہا کہ محکمہئ موسمیات کے بیشتر مراکز میں کل درجہئ حرارت 40 ڈگری سیلسیس سے کم یا معمول کے مطابق درج کیا گیا۔