بیڈمنٹن میں اعلیٰ درجے کی کھلاڑی تنوی شرما گواہاٹی میں جاری BWF عالمی جونیئر چمپئن شپ کے خواتین کے سنگلز کے سیمی فائنل میں پہنچ گئی ہیں اور اِس طرح بھارت کیلئے ایک تمغہ یقینی ہوگیا ہے۔ انھوں نے آج ایک زبردست مقابلے میں جاپان کی ساکی مَتسوموتو کو شکست دی۔ تنوی شرما نے کوارٹر فائنل میں ساکی کو تیرہ-پندرہ، پندرہ-نو، پندرہ دس سے ہرایا، جبکہ اُنّتی ہُڈا تھائی لینڈ کی اَنِیاپَٹ سے بارہ-پندرہ، تیرہ-پندرہ سے ہار گئیں۔