بھارت کو سمندری تجارت سے متعلق بین الاقوامی تنظیم IMOکی کونسل برائے 2026-27 کیلئے سب سے زیادہ ووٹوں کے ساتھ دوبارہ منتخب کرلیا گیا ہے۔ کونسل کے انتخابات کَل لندن میں IMO اسمبلی کے 34ویں اجلاس کے دوران منعقد کیے گئے تھے۔ بین الاقوامی سمندری تجارت میں وسیع ترین مفاد کے تحت دس ملکوں پر مشتمل زمرے میں بھارت کو سب سے زیادہ ووٹ حاصل ہوئے۔ ووٹنگ کے دوران بھارت کو 169 ووٹوں میں سے 154 ووٹ حاصل ہوئے۔
بندرگاہوں، جہاز رانی اور آبی گزرگاہوں کے مرکزی وزیر سربانند سونووال نے اس حصولیابی پر مسرت کا اظہار کیا اور کہا کہ بھارت کیلئے یہ لمحہ باعثِ فخر ہے۔x
