بھارت کا 56 واں بین الاقوامی فلم فیسٹول، IFFI، گوا کے پنجی میں سنیما کا مرکز بنا ہوا ہے۔ فیسٹول کے چھٹے دن بھارت اور دنیا بھر کے فلم شائقین نے خصوصی ماسٹر کلاسیز اور بے حد خاص فلموں کی نمائش کا لطف اٹھایا۔ IFFI میں آج نائیجریا کی فلم My Father’s Shadow کا بھارتی پریمئر ہوا۔ یہ فلم، بہترین فلم کے زمرے میں گولڈن Peacock کی دوڑ میں ہے۔ یہ 1993 کے نائیجریا کے انتخابات کے دوران ایک والد اور اُن کے دو بیٹوں کی کہانی ہے۔
اس دوران بالی ووڈ کے آزمودہ کار ادا کار دھرمیندر کو خصوصی خراج عقیدت پیش کیا گیا۔ فلم ہدایت کار راہل رَویل نے بھارت کے He Man کہے جانے والے دھرمیندر کی زندگی، ورثے اور اُن کے اثرات پر روشنی ڈالی۔