بھارت پچھلے پانچ برس میں بجلی کی پیداوار کی صلاحیت کے اعتبار سے امریکہ اور چین کے بعد تیسرا سب سے تیزی سے ترقی کرنے والا ملک بن گیا ہے۔بین الاقوامی توانائی ایجنسی کی تازہ ترین رپورٹ کے مطابق تجارتی اور رہائشی مقامات میں توسیع، ایئر کنڈیشنز اور دیگر گھریلو استعمال کے بجلی کے سامان میں اضافہ اور صنعتوں میں بڑھتی ہوئی بجلی کی مانگ کے تناظر میں بجلی کی پیداوار میں اضافہ کیا گیا ہے۔ رپورٹ میں کہا گیا ہے کہ صلاحیت میں یہ اضافہ قابلِ تجدید توانائی پر خصوصی توجہ مرکوز کرنے کے سبب ممکن ہوا ہے۔ رپورٹ میں مزید کہا گیا ہے کہ صاف ستھرئی توانائی خاص طور پر شمسی فوٹو وولیٹک پروجیکٹوں میں سرمایہ کاری میں نمایاں اضافہ ہوا ہے۔