اقوام متحدہ کی انسانی حقوق سے متعلق کونسل کے 58 ویں اجلاس کی ساتویں میٹنگ میں بھارت نے پاکستان کو  غیر ملکی امداد پر انحصار کرنے والا ایک ناکام ملک قرار دیتے ہوئے اُس پر شدید نکتہ چینی کی ہے۔ جنیوا میں اقوامِ متحدہ میں بھارت کے مستقل مشن میں قونصلر جناب Kshitij Tyagi نے پاکستان کے لیڈروں پر اپنے فوجی اور دہشت گردانہ کامپلیکس سے جھوٹ پھیلانے کا الزام لگایا۔ انھوں نے حالیہ برسوں میں جموں و کشمیر کی قابلِ ذکر سیاسی، سماجی اور اقتصادی ترقی کا ذکر کرتے ہوئے، زور دے کر کہا کہ لداخ کے ساتھ ساتھ جموں و کشمیر ہمیشہ بھارت کا اٹوٹ حصہ رہے گا۔

جناب تیاگی نے اسلامی تعاون کی تنظیم – OIC کا اپنے ترجمان کے طور پر استعمال کرنے پر پاکستان کی شدید مذمت کی اور کہا کہ کونسل نے ایک ایسے ملک کیلئے اپنا وقت ضائع کیا، جو عدم استحکام پر پنپ رہا ہے اور بین الاقوامی امداد پر انحصار کرتا ہے۔