سمندری طوفان Ditwah سے ہورہی لگاتار بارش کی وجہ سے سری لنکا کے زیادہ تر حصوں میں جان و مال کا زبردست نقصان ہوا ہے۔ طوفان کی وجہ سے 123 لوگوں کی موت ہوگئی، جبکہ 130 افراد لاپتہ ہیں۔ وہیں 3 لاکھ 70 ہزار سے زیادہ لوگ اِس سے متاثر ہوئے ہیں۔ کئی دنوں تک جاری بارش کے بعد سمندری طوفان Ditwah شمال-مغرب میں تمل ناڈو کے ساحل کی جانب بڑھنے لگا ہے، جس سے بارش میں بتدریج کمی آئی ہے۔

بھارتی امداد کے بروقت پہنچنے سے سری لنکا میں جاری بچاؤ کارروائیوں کو کافی تقویت ملی ہے۔ بھارتی امداد ایسے وقت میں پہنچی ہے، جب جزیرائی ملک مئی 2017 کے سیلاب کے بعد سے بدترین قدرتی آفت کا سامنا کررہا ہے۔ NDRF کے تجربے کار اہلکار اور بھارتی ہیلی کاپٹروں نے زندگی بچانے والی کوششوں کو مزید تقویت دی ہے۔ حکام نے بتایا کہ مرنے والوں کی تعداد بڑھ کر 123 ہوگئی ہے اور کئی ندیاں خطرے کے نشان سے اوپر بہہ رہی ہیں۔ بھارت نے آپریشن ساگر بندھو کے تحت 21 ٹن امدادی سامان سے لدے 2 ہوائی جہاز روانہ کیے ہیں، جو جزیرے پر بچاؤ کارروائیوں میں کام آئیں گے۔ حکام نے عوام سے اپیل کی ہے کہ وہ متاثرہ علاقوں میں انخلاء کو یقینی بنانے میں تعاون کریں۔