ریلوے کے مرکزی وزیر اشونی ویشنو نے کہا ہے کہ گزشتہ 11 سال کے دوران ریلوے پروجیکٹوں کے واسطے بہار کیلئے بجٹ میں مختص کی گئی رقومات میں نو گنا اضافہ ہوا ہے۔ لوک سبھا میں ایک سوال کے جواب میں جناب ویشنو نے کہا کہ 11 سال پہلے بہار میں ریلوے کیلئے سالانہ بجٹ صرف ایک ہزار 132 کروڑ روپے تھا، جبکہ یہ بڑھ کر 10 ہزار کروڑ روپے ہوگیا ہے۔ جناب ویشنو نے ایوان کو مطلع کیا کہ ریلوے کے، جو مختلف پروجیکٹ برسوں سے زیرالتوا تھے، وہ اب مکمل ہوگئے ہیں۔