بھارت نے سال 2025 میں 47 ارب ڈالر مالیت کا الیکٹرانکس سامان برآمد کیا جو کہ ایک ریکارڈ ہے۔ ایک سوشل میڈیا پوسٹ پر الیکٹرانکس اور آئی ٹی محکمے کے وزیر اشونی ویشنو نے بتایا کہ تقریباً 30 ارب ڈالر، اسمارٹ فون کی برآمدات سے حاصل ہوئے جس میں پیداوار سے منسلک ترغیب فراہم کی گئی تھی۔ انھوں نے کہا کہ الیکٹرانکس بھارت سے برآمدکیے جانے والا تیسرا سب سے بڑا شعبہ ہے۔ وزیر موصوف نے مزید کہا کہ سال 2015 کے بعد سے الیکٹرانکس سامان کی برآمدات میں 11 گنا اضافہ ہوا ہے۔

جناب اشونی ویشنو نے یہ بھی بتایا کہ خواتین کی بڑی شمولیت، MSME اداروں کیلئے مواقع اور نوجوانوں کی طویل مدتی ہنرمندی کے ساتھ روزگار کے 25 لاکھ نئے مواقع بھی پیدا کیے گئے۔x