بھارت نے بہار کے راج گیر میں کوریا کو 1 کے مقابلے 4 گول سے ہرا کر مردوں کا ایشیا کپ ہاکی کا خطاب جیت لیا ہے۔ بھارت نے نہ صرف ایشیا کپ کا خطاب حاصل کیا، بلکہ نیدرلینڈ اور بیلجیم میں ہونے والے 2026 کے ہاکی عالم کپ کے لیے بھی کوالیفائی کرلیا ہے۔ راج گیر انٹر نیشنل اسپورٹس اسٹیڈیم میں نمی کے باوجود بھارتی ٹیم نے ہاکی شائقین کو اپنی زبردست کارکردگی سے متاثر کیا اور ٹرافی اُٹھاکر قوم کی امیدوں کو برقرار رکھا۔

فائنل میچ جیتنے کے بعد میڈیا سے بات کرتے ہوئے بھارت کے چیف کوچ Craig Fulton نے کہا کہ یہ ایک شاندار اور تحریک دینے والی جیت تھی اور عالمی کپ ہاکی میں بھی جیت کا سلسلہ جاری رہے گا۔

بھارت کے کپتان ہرمن پریت سنگھ نے کہا کہ یہ جیت اِس بات کا نتیجہ تھی کہ چیمپئن شپ جیتنے کے لیے زبردست سُدھار کیا گیا۔×