مالدیپ کے وزیر خارجہ ڈاکٹر عبداللہ خلیل بھارت کے 3 روزہ دورے پر کَل نئی دلّی پہنچے۔ وزیر خارجہ ڈاکٹر خلیل کا بھارت کا یہ تیسرا دورہ ہے۔ اِس سے پہلے انھوں نے جنوری اور مارچ میں بھارت کا دورہ کیا تھا۔ یہ دورہ بھارت اور مالدیپ کے درمیان تیزی سے فروغ پاتے ہوئے اعلیٰ سطحی سیاسی تبادلوں کا سلسلہ ہے۔

ڈاکٹر خلیل آج جامع اقتصادی اور بحری سکیورٹی شراکت داری کے موضوع پر بھارت-مالدیپ مستقبل کے خاکے کے نفاذ میں پیش رفت اور جائزہ لینے کیلئے، بھارت-مالدیپ اعلیٰ سطحی کور گروپ کی دوسری میٹنگ کی قیادت کریں گے۔

مستقبل کا یہ خاکہ پچھلے سال اکتوبر میں مالدیپ کے صدر ڈاکٹر محمد معزو کے سرکاری دورے کے دوران دونوں ممالک کی قیادت کے ذریعے منظور کیا گیا تھا۔

اپنے دورے کے دوران مالدیپ کے وزیر خارجہ، بھارت کے وزیر خارجہ ڈاکٹر ایس جے شنکر کے ساتھ دوطرفہ تبادلہ خیال بھی کریں گے۔×