بھارت اور یوروپی یونین، آج سے نئی دلّی میں آزادانہ تجارتی معاہدے، FTA پر بات چیت دوبارہ شروع کریں گے۔ آج سے شروع ہو رہا دو روزہ مذاکراتی اجلاس، بھارت اور یوروپی یونین کے درمیان مضبوط معاشی تعلقات قائم کرنے کی جانب طویل مدّتی کوششوں کا ایک اور قدم سمجھا جا رہا ہے۔ بھارت کے سالانہ عالمی کانکلیو 2025 سے خطاب کرتے ہوئے بھارت میں یوروپی یونین کے سفیر Herve Delphin نے کہا کہ جاری مذاکرات بنیادی طور پر نئے مرحلے کی نمائندگی کرتے ہیں۔ انہوں نے اسے ”یوروپی یونین-بھارت FTA مذاکرات 2.0“ قرار دیا۔ یوروپی یونین، بھارت کا سب سے بڑا تجارتی ساجھے دار ہے۔ سال 2023-24 کے دوران بھارت اور یوروپی یونین کے درمیان ساز و سامان کی دوطرفہ تجارت کا حجم 137 اعشاریہ 5 ارب ڈالر رہا۔×