بھارت اور بلجیم نے آج بھارت بحرالکاہل خطے میں خاص طور پر بحری شعبے میں دفاعی تعلقات کے امکانات پر تبادلہ خیال کیا۔ مرکزی وزیر دفاع راج ناتھ سنگھ نے بلجیم کی شہزادی ایسٹراڈ اور وزیر دفاع تھیو فرانکن کے ساتھ نئی دہلی میں میٹنگ کی۔ میٹنگ کے دوران دونوں ممالک نے دفاعی صنعتی تعاون کو بڑھانے کے طور طریقوں پر تبادلہئ خیال کیا۔ اس موقعے پر جناب راج ناتھ سنگھ نے دفاعی شعبے میں بلجیم کی سرمایہ کاری کا خیرمقدم کیا۔ انہوں نے تجویز پیش کی کہ بلجیم کی کمپنیاں بھارت میں اپنے قدم جمانے میں اہم کردار ادا کر سکتی ہیں اور اپنی سپلائی چینز میں بھارتی سرمایہ کاروں کو شامل کر سکتی ہیں۔ دونوں ممالک نے ایک باقاعدہ دفاعی تعاون کے میکانزم کو تلاش کرنے سے بھی اتفاق کیا۔