بھارت اور انگلینڈ کے درمیان لارڈس میں جاری اینڈرسن تیندولکر ٹرافی کا تیسرا ٹیسٹ میچ کھیلا جارہا ہے۔ آخری خبر ملنے تک میزبان انگلینڈ نے 4 وکٹ پر 195 رن بنا  لیے تھے۔ انگلینڈ نے ٹاس جیت کر پہلے بلّے بازی کا فیصلہ کیا۔ 5 میچوں کی اِس سیریز میں انگلینڈ نے Headingly میں کھیلا گیا میچ 5 وکٹ سے اور بھارت نے Edgbaston کے مقام پر کھیلا گیا میچ 336 رن سے جیتا تھا، جس کے بعد دونوں ٹیمیں سیریز میں 1-1 سے برابری پر ہیں۔