بھارتی موسمیات محکمے IMD نے جموں و کشمیر، ہماچل پردیش، مشرقی مدھیہ پردیش، وِدربھ خطّے اور ساحلی آندھراپردیش میں آج بہت شدید بارش کی پیشگوئی کی ہے۔ موسمیات کے محکمے نے کہا ہے کہ اتراکھنڈ میں اگلے پانچ روز کے دوران شدید بارش کا امکان ہے۔ پنجاب، ہریانہ، چنڈی گڑھ، اترپردیش میں کہیں کہیں ہفتے کے روز تک اسی طرح کے حالات رہنے کا امکان ہے۔ موسمیات کے محکمے نے مدھیہ پردیش، وِدربھ اور چھتیس گڑھ کے علاقوں میں اس مہینے کی 19 تاریخ تک شدید بارش کی پیشگوئی کی ہے۔ اس دوران دلّی اور اُس سے متصل علاقوں میں آج صبح شدید بارش ہوئی ہے۔ موسمیات کے محکمے نے کہا ہے کہ آج دن بھر قومی راجدھانی میں ہلکی سے اوسط بارش ہوگی۔×