بھارتی محکمۂ موسمیات نے اگلے دو سے تین دن کے دوران ملک کے مشرقی، مغربی، وسطی اور شمال مشرقی خطوں میں شدید بارش کی پیشگوئی کی ہے۔ محکمۂ موسمیات نے کہا کہ مدھیہ پردیش، وِدربھ، چھتیس گڑھ، مغربی بنگال اور جھارکھنڈ میں جمعرات تک شدید بارش جاری رہ سکتی ہے۔ موسمیات سے متعلق ایجنسی نے ہماچل پردیش، اتراکھنڈ، جموں و کشمیر، لداخ، گلگت بلتستان، مظفر آباد، اترپردیش، پنجاب اور ہریانہ میں بھی جمعے کے روز تک شدید ترین بارش کا امکان ظاہر کیا ہے۔ اِس کے علاوہ دلّی اور قومی راجدھانی خطے میں اگلے چوبیس گھنٹے کے دوران ہلکی سے درمیانی درجے کی بارش ہوسکتی ہے۔