بھارتی موسمیات محکمہ IMD نے آج ہریانہ، دلّی، مغربی اترپردیش، راجستھان، گجرات، کونکن اور گوا، مدھیہ پردیش، اڈیشہ، اتراکھنڈ، اروناچل پردیش، آسام اور بہار میں کہیں کہیں شدید بارش کی پیشگوئی کی ہے۔ IMD نے کہا ہے کہ چھتیس گڑھ، مشرقی اترپردیش، جھارکھنڈ، مدھیہ مہاراشٹر، ناگالینڈ اور منی پور میں کچھ مقامات پر شدید سے بہت شدید بارش ہوسکتی ہے۔  موسمیات سے متعلق محکمے نے کہا ہے کہ مانسون آئندہ دو سے تین روز کے دوران ملک کے شمالی اور وسطی حصے کی جانب مزید بڑھ جائے گا۔ IMD کے مطابق بہار، ہریانہ، دلّی، جھارکھنڈ، ناگالینڈ، منی پور، میزورم، تریپورہ اور پنجاب میں گرج چمک کے ساتھ چھینٹے پڑنے اور تیز ہوائیں چلنے کا امکان ہے۔×