بھارتی محکمہ موسمیات IMD نے مدھیہ پردیش، چھتیس گڑھ اور وِدربھ میں اگلے دو روز کے دوران گرج چمک کے ساتھ شدید بارش کیلئے اورینج الرٹ جاری کیا ہے۔ موسمیات کے محکمے نے آج ملک کے شمالی اور مشرقی حصوں میں شدید سے اوسط بارش ہونے کی پیش گوئی کی ہے۔ اِن میں جموں و کشمیر، پنجاب، ہریانہ، چنڈی گڑھ، ہماچل پردیش اور مشرقی اترپردیش شامل ہیں۔موسمیات کے محکمے نے کہا کہ اِس مہینے کی 15 تاریخ تک مشرقی راجستھان اور اتراکھنڈ میں شدید سے اوسط بارش ہونے کا امکان ہے۔ IMD نے اگلے چھ روز کے دوران ملک کے شمال مشرقی حصوں، آسام، میگھالیہ، ناگالینڈ، منی پور، میزورم اور تری پورہ میں اسی طرح کے موسم رہنے کا امکان ظاہر کیا ہے۔ موسمیات کے محکمے نے آج کیرالہ اور کرناٹک کے ساحلی علاقوں میں شدید بارش کی پیشگوئی کی ہے۔

بھارتی موسمیات محکمے نے آئندہ 24 گھنٹے کے دوران دلّی اور اُس سے متصل NCR خطے اور پنجاب میں بارش کیلئے اورینج الرٹ جاری کیا ہے۔ آکاشوانی نیوز سے خصوصی بات چیت میں IMD کے سینئر سائنسداں R.K Jenamani نے مطلع کیا کہ آئندہ دو روز کے دوران پنجاب، ہریانہ، ہماچل پردیش، اترپردیش اور جموں وکشمیر سمیت ملک کے شمال مغربی حصے میں شدید بارش جاری رہے گی۔×