بھارتی محکمہ موسمیات IMD نے، مدھیہ پردیش، راجستھان، گجرات اور اتراکھنڈ میں آج شدید سے بہت شدید بارش کیلئے اورینج الرٹ جاری کیا ہے۔ آکاشوانی نیوز سے بات کرتے ہوئے IMD کے سینئر سائنسداں ڈاکٹر آر-کے جینامنی نے کہا کہ اگلے تین سے چار روز کے دوران اتراکھنڈ اور راجستھان کے کچھ حصوں میں شدید بارش کا سلسلہ جاری رہے گا۔ انہوں نے مزید کہا کہ اگلے دو روز کے دوران مغربی بنگال، سکم، بہار، جھارکھنڈ اور اُڈیشہ سمیت ملک کے مشرقی علاقوں میں بھی اسی طرح کے حالات رہیں گے۔
IMD نے کہا کہ آج کیرالہ اور ساحلی کرناٹک میں شدید بارش ہونے کا امکان ہے، جبکہ ملک کے شمال مشرقی حصے میں گرج چمک کے ساتھ ہلکی سے اوسط بارش ہونے کا امکان ہے۔
اِسی دوران ہماچل پردیش کے متعدد علاقوں میں شدید بارش ہورہی ہے۔ شملہ کے موسمیات مرکز نے منڈی، شملہ، سولن اور Sirmaur ضلعوں میں شدید بارش کیلئے آج Yellow الرٹ جاری کیا ہے۔ x
