بھارت کے محکمہ موسمیات IMD نے ملک کے مغربی ساحلی علاقوں میں شدید سے انتہائی شدید بارش سے متعلق ریڈ الرٹ جاری کیا ہے۔ آکاشوانی نیوز کے ساتھ خصوصی بات چیت میں IMD کے سینئر سائنسداں ڈاکٹر آر کے جینامنی نے کہا کہ اگلے دو دن میں دلّی، ہریانہ، پنجاب اور گجرات میں گرج چمک کے ساتھ تیز ہوائیں چلنے کا امکان ہے۔ انھوں نے مزید کہا کہ دلّی سمیت شمال مغربی بھارت میں زیادہ سے زیادہ درجۂ حرارت میں آج کافی کمی آئی ہے۔