بھارتی محکمۂ موسمیات نے اگلے دو دنوں تک راجستھان اور مدھیہ پردیش میں شدید سے بہت شدید بارش کا ریڈ الرٹ جاری کیا ہے۔ IMD نے اس ماہ کی 16 تاریخ تک مشرقی بھارت میں تیز سے بہت تیز بارش کی بھی پیشگوئی کی ہے۔ بدھ کے روز تک جموں و کشمیر، لداخ، گلگت بلتستان، مطفرآباد، ہماچل پردیش، اتراکھنڈ، ہریانہ اور اترپردیش میں اسی طرح کے موسمی حالات رہنے کا امکان ہے۔اس دوران دلی این سی آر کے کچھ حصوں میں دھول بھری آندھی کے ساتھ تیز بارش کا امکان ہے، جس سے موسم کی نمی سے راحت کی توقع ہے۔