ایشیا کے سب سے اعلیٰ درجہ بندی کی حامل Para Lawn ٹینس معذور کھلاڑی، لکشمی جڈالہ نے نیشنل ٹینس چمپئن شپ 2025 (معذور افراد کے کھیل) میں سونے کا تمغہ جیتا ہے۔ انھوں نے مدھیہ پردیش کے گوالیار میں اِس کارکردگی کا مظاہرہ کیا۔ اِس کامیابی کے بعد 15 سالہ جڈالہ باضابطہ طور پر اسپیشل اولمپک ورلڈ گیمز، 2027 کیلئے کوالیفائی ہوگئی ہیں۔ یہ مقابلے مصر کے قاہرہ میں منعقد ہوں گے۔ اَنڈر 17 جونیئر زمرے میں جڈالہ نے اپنے تینوں مقابلے سیدھے سیٹوں میں جیتے اور وہ ناقابل تسخیر رہیں۔ میڈیا سے بات کرتے ہوئے جڈالہ نے کہا کہ یہ ٹورنامنٹ جیتنا اور اسپیشل اولمپکس میں بھارت کی نمائندگی کرنا خوابوں کے شرمندۂ تعبیر ہونے کے مترادف ہے۔