ایران میں، اِس مہینے ملک میں ہونے والے احتجاجی مظاہروں کے دوران، 500 سکیورٹی اہلکاروں سمیت 5 ہزار افراد ہلاک ہوچکے ہیں۔ یہ بات ایک ایرانی عہدیدار نے کہی ہے۔ ہلاکتوں کی یہ تعداد پورے ایران میں ہونے والے اِن مظاہروں کے حوالے سے اب تک کسی سرکاری ذرائع کی جانب سے بتائی گئی سب سے زیادہ تعداد ہے۔ اِن مظاہروں نے پورے ایران کے نظام کو ہلاکر رکھ دیا ہے۔

ایرانی عہدیدار نے ہلاکتوں کی زیادہ تعداد کا ذمہ دار اسرائیل اور بیرونِ ملک مسلح گروپوں کو ٹھہرایا ہے۔ یہ مظاہرے 28 دسمبر کو ایران کی کرنسی ریال کی قدر میں شدید گراوٹ کے بعد ایران میں شروع ہوئے اور جلد ہی حکومت مخالف ایک وسیع تحریک میں تبدیل ہو گئے، جس میں سپریم لیڈر آیت اللہ علی خامنہ ای کے اقتدار کے خاتمے کا مطالبہ کیا جا رہا ہے۔×