آندھراپردیش کے وزیر اعلیٰ این چندربابو نائیڈو نے کہا ہے کہ ریاست کے ماحول کیلئے سازگار توانائی سے متعلق اہداف وزیر اعظم نریندر مودی کے 500 گیگاواٹ کے قابل تجدید توانائی کے نظریے سے مطابقت رکھتے ہیں۔ وزیر اعلیٰ نے نائب وزیر اعلیٰ پون کلیان کے ہمراہ آج کاکی ناڑہ میں AM گرین ہائیڈروجن اور گرین اَمونیا پلانٹ میں سازوسامان کو نصب کئے جانے کی پہلی اہم تقریب میں شرکت کی۔ اس موقع پر خطاب کرتے ہوئے جناب نائیڈون نے کہا کہ یہ دنیا کا سب سے بڑا گرین ہائیڈروجن اور گرین اَمونیا پروجیکٹ ہے۔ وزیر اعلیٰ نے کہا کہ آندھراپردیش میں ماحول کیلئے سازگار توانائی کے معاملے میں کافی صلاحیت موجود ہے۔