بھارت کی توجہ اب ایک اور اہم خلائی مشن کی طرف ہے۔ ISRO اپنی تجارتی شاخ NewSpace India Limited کے ذریعے، بلو برڈ بلاک ٹُو مواصلاتی سیارچہ خلا میں بھیجے گی۔ یہ طیارہ آج آندھراپردیش کے شہر سری ہری کوٹہ سے آج صبح 8 بجکر 55 منٹ پر روانہ کیا جائے گا۔ یہ طیارہ ستیش دھون خلائی مرکز پر دوسرے لانچ پیڈ سے خلا میں بھیجا جائے گا۔

اِسرو کا، زیادہ وزنی سیارچے لے جانے والا راکٹ LVM3، بلو برڈ بلاک ٹُو مواصلاتی سیارچے کو، زمین کے قریبی مدار میں لے جائے گا۔ یہ LVM3 کی چھٹی پرواز ہوگی، جس سے خلا میں سیارچے بھیجنے کی، اِسرو کی، ثابت شدہ اور قابلِ اعتبار صلاحیت اُجاگر ہوتی ہے۔ یہ بھارتی سر زمین سے LVM3 کے ذریعے خلا میں بھیجا جانا والا سب سے زیادہ وزنی سیارچہ بھی ہے۔ بلو برڈ بلاک ٹُو کا تعلق امریکہ کی  AST SpaceMobile سے ہے۔ اِسرو کی مدد سے یہ سیارچہ براہِ راست موبائل کنیکٹی وِٹی انجام دے گا، 4G اور 5G کالز فراہم کرے گا نیز دنیا بھر میں ویڈیو اور ڈیٹا خدمات انجام دے گا۔