پہلا کھیلو انڈیا واٹر اسپورٹس فیسٹول آج سے جموں و کشمیر میں سری نگر کی خوبصورت ڈل جھیل میں شروع ہوگا۔
اِس 3 روزہ قومی ٹورنامنٹ میں 36 ریاستوں اور مرکز کے زیر انتظام علاقوں کے 400 سے زیادہ چوٹی کے کھلاڑی Rowing، Kayaking اور Canoeing جیسے کھیلوں میں سونے کے 24 تمغوں کے لیے مقابلہ آرائی کریں گے۔
یہ عمر کی حد سے آزاد پہلی قومی چیمپئن شپ ہے، جس کے سبھی 24 کھیل، اولمپک کے کھیلوں کے پروگرام کا حصہ ہیں۔ اِس فیسٹول میں 3 مقابلوں، واٹر اسکینگ، شکارہ بوٹ دوڑ اور ڈریگن بوٹ دوڑ کا مظاہرہ بھی کیا جائے گا، جس کا مقصد سیاحت کو فروغ دینا ہے۔
کھیلو انڈیا واٹر اسپورٹس فیسٹول 2025 کو پرسار بھارتی اسپورٹس کے یوٹیوب چینل پر براہ راست نشر کیا جائے گا۔ یہ مقابلے، بھارت میں DD اسپورٹس ٹی وی چینل پر بھی براہ راست نشر ہوں گے۔×
