خواتین اور بچوں کی بہبود کی مرکزی وزیر انّ پورنا دیوی نے آبروریزی کی کوشش کے ایک کیس میں آج الہ آباد ہائی کورٹ کے جج کی رائے زنی پر اعتراض کیا اور اِسے نامناسب قرار دیا۔ انھوں نے کہا کہ اس طرح کی رائے زنی سے سماج میں غلط پیغام جائے گا۔

 پارلیمنٹ کے باہر نامہ نگاروں سے بات کرتے ہوئے وزیر موصوف نے یہ بھی کہا کہ اس طرح کی رائے زنی کے، ایسے کیسز سے متعلق مختلف فیصلوں پر منفی اثر پڑے گا اور اس سے غلط کاموں کی ذہنیت کو بڑھاوا ملے گا۔ انھوں نے یہ بھی کہا کہ حکومت جج کی اس طرح کی رائے زنی کا نوٹس بھی لے گی۔

اس سے پہلے جج رام منوہر نارائن مشرا نے آبروریز سے متعلق ایک کیس کی سماعت کرتے ہوئے کچھ رائے زنی کی تھی، جس سے لوگوں میں غصہ پیدا ہوگیا تھا۔