انفورسمینٹ دائریکٹریٹ نے بزنس مین رابرٹ واڈرا کے خلاف برطانیہ میں رہنے والے اسلحے سے متعلق کنسلٹینٹ سنجے بھنڈاری سے وابستہ کالے دھن کو جائز بنانے کے معاملے میں فردِ جرم داخل کی ہے۔ استغاثہ کی یہ شکایت، کالے دھن کو جائز بنانے سے متعلق قانون PMLA کی ایک خصوصی عدالت میں پیش کی گئی ہے۔ جناب واڈرا کے خلاف کالے دھن کو جائز بنانے کے معاملے کی یہ دوسری چارج شیٹ ہے۔ اِس برس جولائی میں ED نے اُن کے خلاف کالے دھن کو جائز بنانے کے ایک معاملے میں فردِ جرم داخل کی تھی، جو ہریانہ کے شیخو پور میں زمین کی خرید و فروخت کے معاملے میں مبینہ بے ضابطگیوں سے متعلق تھا۔