انسانی حقوق اور پناہ گزینوں کی وکالت کرنے والے گروپوں کے اتحاد نے پاکستان سے کہا ہے کہ وہ جبراً افغان مہاجروں کو ملک سے باہر کرنے کے عمل پر روک لگائے اور کہا کہ یہ بین الاقوامی قوانین کی خلاف ورزی ہے۔ ایک کھلے مراسلے میں اس نے بڑے پیمانے پر کی جانے والی گرفتاریوں اور ملک سے باہر کرنے کے عمل کی مذمت کی ہے اور خبردار کیا کہ کئی افغان اس طرح کی ظلم وستم سے بھاگ گئے ہیں۔ پاکستان نے افغان مہاجروں کیلئے 31 مارچ 2025 آخری تاریخ مقرر کی ہے کہ وہ یا تو رضاکارانہ طور پر اس مدت کے دوران ملک چھوڑ کر چلے جائیں یا ملک بدری کا سامنا کریں۔ علاوہ ازیں کئی افغان، امریکہ، جرمنی اور آسٹریلیا جیسے ملکوں میں دوبارہ آباد کئے جانے کے منتظر ہیں۔اتحاد نے ویزا فیس بڑھانے، پولیس کے ذریعہ کارکنان کو گرفتار کئے جانے اور بچوں کو کسی ذمے دار شخص کی معیت کے بغیر ملک سے باہر کرنے کی بھی مذمت کی ہے۔ حاملہ خواتین اور معذور افراد بھی اس طرح کے حالات سے دوچار ہیں۔