انتخابی کمیشن نے 12 ریاستوں اور مرکز کے زیرِ انتظام علاقوں میں ووٹر فہرستوں پر خصوصی تفصیلی نظرِثانی کیلئے نظام الاوقات میں کچھ تبدیلی کی ہے۔ نوٹفکیشن کے مطابق چناؤ کمیشن نے Enumeration کیلئے وقت کی حد بڑھاکر اب 11 دسمبر کردی ہے۔ ووٹر فہرستوں کا مسودہ اب اگلے مہینے کی 16 تاریخ کو شائع کیا جائے گا، جبکہ حتمی ووٹر فہرستیں اگلے سال 14 فروری کو شائع کی جائیں گی۔ یہ عمل فی الحال اترپردیش، انڈمان و نکوبار جزائر، چھتیس گڑھ، گوا، گجرات، کیرالہ، لکشدیپ، مدھیہ پردیش، پدوچیری، راجستھان، تمل ناڈو اور مغربی بنگال میں جاری ہے۔