انتخابی کمیشن کی جانب سے بہار میں جاری خصوصی نظرثانی عمل کے دوران قریب چار کروڑ 96 لاکھ ووٹرس کو کسی طرح کا دستاویز جمع کرانے کی ضرورت نہیں ہوگی۔ اِسی طرح ان ووٹرس کے بچوں کو بھی اپنے سرپرستوں سے متعلق کوئی دستاویز جمع نہیں کرانا ہوگا۔ یہ رائے دہندگان، بہارکے سال 2003 کی انتخابی فہرست میں موجود ہیں، جسے انتخابی کمیشن نے اپنی ویب سائٹ پر اپلوڈ کر دیا ہے۔ رائے دہندگان کی 2003 کی انتخابی فہرست کی آسان دستیابی سے ریاست میں جاری خصوصی نظرثانی عمل میں کافی مدد ملی، جس سے بہار کے قریب 60 فیصد رائے دہندگان کو اب کوئی دستاویز جمع کرانے کی ضرورت نہیں ہوگی۔

          یہ پیش رفت ایسے وقت میں ہوئی ہے جب اپوزیشن جماعتوں نے ریاستی اسمبلی انتخابات سے تین مہینے پہلے انتخابی کمیشن کی جانب سے خصوصی نظر ثانی کے کام پر سوال اٹھائے تھے۔

          اپنے بیان میں انتخابی کمیشن نے کہا ہے کہ اُسے رائے دہندگان کی فہرست سے صرف اُن کی تفصیلات کی تصدیق کرنی ہے اور Enumeration Form بھر کر داخل کرنا ہے۔X