انتخابی کمیشن نے مغربی بنگال کے جنوبی 24 پرگنہ میں ووٹر فہرستوں خصوصی تفصیلی نظرثانی مہم SIR سے متعلق سماعت کیمپوں کے دورے کے دوران، ووٹر فہرست کے مشاہد C مروگن پر ہجومی حملے میں سکیورٹی کی سنگین کوتاہی پائی ہے۔ کمیشن نے ریاست کے ڈائریکٹر جنرل آف پولیس راجیو کمار سے اِس بارے میں کَل شام 5 بجے تک کارروائی کی رپورٹ پیش کرنے کو کہا ہے۔ انتخابی کمیشن نے جناب کمار کو یہ بھی حکم دیا ہے کہ اگلی بار کسی بھی ووٹر فہرست مشاہد یا خصوصی الیکٹورل رول مبصر کے ساتھ دورے کے دوران اُن کی حفاظت کو یقینی بنانے کیلئے مناسب سکیورٹی بندوبست کے ساتھ ایک سینئر پولیس افسر کو  بھی تعینات کیا جائے۔

یہ قدم 2005-Batch کے IAS افسر جناب مروگن کے رپورٹ کرنے کے بعد، چیف الیکٹورل آفیسر مغربی بنگال منوج اگروال نے اُٹھایا ہے۔ جناب مروگن نے کہا تھا کہ 29 دسمبر کو ڈائیمنڈ ہاربر سب ڈویژن کے Magrahat-1، Magrahat-2 اور Kulpi بلاک میں اُن کے ساتھ نہ رواں سلوک کیا گیا تھا۔×