انتخابی کمیشن نے ایک ہدایت جاری کی ہے، جس کے مطابق مغربی بنگال حکومت کی جانب سے سال 2010 کے بعد جاری کیے گئے دیگر پسماندہ طبقات OBC کے سرٹیفکیٹس کو خصوصی تفصیلی نظرثانی SIR مہم کے تحت ووٹر فہرستوں کے مسودہ پر دعووں اور اعتراضات کی سماعت کے دوران معاون شناختی دستاویز کے طور پر تسلیم نہیں کیا جائے گا۔
یہ قدم کلکتہ ہائی کورٹ کے 24 دسمبر 2025 کے حکم کے بعد سامنے آیا ہے، جس میں 2010 سے 2024 کے دوران، 113 برادریوں کو جاری کیے گئے OBC سرٹیفکیٹس کو منسوخ کردیا گیا تھا۔ عدالت نے درجہ بندی کے عمل میں طریقہئ کار کی بے ضابطگیوں کی نشاندہی کرتے ہوئے کہا تھا کہ یہ سرٹیفکیٹس قانونی جواز سے محروم ہیں۔
عدالت کے فیصلے کے بعد، مغربی بنگال کے اعلیٰ انتخابی افسر CEO نے تمام ضلعی انتخابی افسران DEOs کو ہدایات جاری کی ہیں، جن میں اِس بات پر زور دیا گیا ہے کہ ووٹر فہرست کی خصوصی تفصیلی نظرثانی SIR مہم کے دوران ووٹر فہرستوں میں ایسے سرٹیفکیٹس استعمال نہیں کیے جاسکتے ہیں۔×
