انتخابی کمیشن EC نے سبھی خدشات کا، نکتہ بہ نکتہ انکار کیا ہے اور TMC وفد کی طرف سے لگائے گئے الزامات کو بے بنیاد قرار دیا ہے۔

راجیہ سبھا ممبر پارلیمنٹ Derek O’Brien کی قیادت میں ایک 10 رکنی وفد نے کل نئی دلّی میں انتخابی کمیشن سے ملاقات کی۔ یہ ملاقات مغربی بنگال میں جاری، چناؤ فہرستوں کی خصوصی تفصیلی نظر ثانی SIR کے معاملے پر کی گئی۔

کمیشن نے وفد سے کہا کہ وہ 9 دسمبر کے بعد دعوے اور اعتراضات پیش کرے، جب فہرست کا مسودہ اُس کو دیا جائے گا۔ کمیشن نے کہا کہ تب تک پارٹی، بوتھ سطح کے افسران، الیکٹورل رجسٹریشن افسران اور ضلع انتخابی افسران کی آزادنہ کارکردگی میں دخل انداز نہ ہو، جو انتخابات سے متعلق کام کاج کیلئے تعینات کیے گئے ریاستی سرکار کے ملازمین ہیں۔

کمیشن نے مغربی بنگال کے ڈائریکٹر جنرل اور کولکاتہ کے پولیس کمشنر کو بھی ایک خط لکھا ہے، جس کا مقصد اس بات کی یقین دہانی کرانا ہے کہ BLOs کو سیاسی پارٹی کے ہاتھوں کسی طرح کے دباؤ میں نہیں لیا گیا ہے یا اُنہیں کوئی دھمکی نہیں دی گئی ہے۔

انتخابی کمیشن نے سبھی DEOs کو ہدایت دی ہے کہ وہ Slum علاقوں، اونچی عمارتوں اور ایسی رہائشی کالونیوں میں جہاں دروازے لگے ہیں، نئے پولنگ اسٹیشنوں کی یقین دہانی کرائے۔ جیسا کہ اُس کی ہدایات کے مطابق پورے بھارت میں کیا جا رہا ہے۔×