انتخابی کمیشن نے آج کہا ہے کہ انتخابی فہرستوں پر خصوصی نظرثانی SIR کے دوسرے مرحلے کے آغاز کے بعد سے اب تک تقریباً 50 کروڑ 73 لاکھ سے زیادہ گنتی سے متعلق فارم ووٹروں کو تقسیم کیے جاچکے ہیں۔ اِس مرحلے کے تحت جن 51 کروڑ ووٹروں کا احاطہ کیا جائے گا، اُن میں سے یہ 99 اعشاریہ پانچ-تین فیصد ہے۔ کمیشن نے یہ بھی بتایا کہ تقریباً 40 کروڑ فارم، اب تک ڈیجیٹل طریقے سے رجسٹرڈ ہوچکے ہیں۔ انتخابی فہرستوں کے SIR کا دوسرا مرحلہ، 9 ریاستوں اور مرکز کے زیر انتظام تین علاقوں میں اِس ماہ کی 4 تاریخ کو شروع ہوا تھا۔ یہ ریاستیں اور مرکز کے زیر انتظام علاقے ہیں: چھتیس گڑھ، گوا، گجرات، کیرالہ، مدھیہ پردیش، راجستھان، تمل ناڈو، اترپردیش، مغربی بنگال، پڈوچیری، لکشدیپ، انڈمان اور نکوبار جزائر۔ انتخابی فہرستوں کی بڑے پیمانے پر کی جا رہی نظرثانی کا عمل اگلے برس 7 فروری کو ووٹروں کی قطعی فہرست کی اشاعت کے ساتھ ختم ہوجائے گا۔