انتخابی کمیشن نے آج نئی دلّی میں جنتا دل کے ایک وفد کے ساتھ میٹنگ کی۔ اعلیٰ انتخابی کمشنر نے یہ میٹنگ، قومی و ریاستی سیاسی پارٹیوں کے ساتھ انتخابی کمیشن کے جاری تبادلۂ خیال کے حصے کے طور پر کی ہے، جس کا مقصد سودمند تبادلۂ خیال کے ذریعے انتخابی عمل کو مستحکم کرنا ہے۔ گذشتہ 150 سے زیادہ دن میں کمیشن نے ملک بھر میں چار ہزار700 سے زیادہ کُل پارٹی میٹنگیں منعقد کی ہیں جس میں 28 ہزار سے زیادہ نمائندوں نے شرکت کی۔ ان میٹنگوں کا مقصد اُن کی تجاویز اور تشویش کو سننا تھا۔