انتخابی کمیشن نے آج مطلع کیا ہے کہ اس مہینے کی چار تاریخ سے شروع کی گئی چناؤ فہرستوں کی خصوصی تفصیلی نظرِثانی مہم کے دوسرے مرحلے کے آغاز سے اب تک ذاتی معلومات سے متعلق 46 کروڑ سے زیادہ فارم رائے دہندگان میں تقسیم کئے جاچکے ہیں۔ یہ اس مرحلے کے تحت احاطہ کئے جانے والے کُل 51 کروڑ رائے دہندگان کا 91 فیصد ہے۔ اترپردیش میں 13 کروڑ 74 لاکھ زیادہ فارم سپرد کئے جاچکے ہیں۔ وہیں مغربی بنگال میں اب تک 7 کروڑ 40 لاکھ سے زیادہ فارم دیئے جاچکے ہیں۔ چناؤ فہرستوں کی خصوصی تفصیلی نظرِثانی مہم کے دوسرے مرحلے کے تحت انتخابی کمیشن نے 9 ریاستوں اور 3 مرکز کے زیرِ انتظام علاقوں میں SIR کا آغاز کیا ہے۔ ذاتی معلومات جمع کرنے کا یہ مرحلہ اگلے مہینے کی 4 تاریخ تک جاری رہے گا۔